Alicia Giménez Bartlett  (Almansa, Albacete, 1951) Filologia ikasitakoa da, eta literatura-ibilbidea Gonzalo Torrente Ballesterri buruzko saiakera batekin hasi zuen. 1984an lehen eleberria argitaratu zuen, Exit, eta 1996an Ritos de muerte agertu zen, Petra Delicadoren kasuen hasiera. Saga horri esker, mundu osoan gehien itzuli eta irakurritako espainiar idazleetako bat bihurtu zen: Ritos de muerte, Día de perros, Mensajeros en la oscuridad, Muertos de papel, Serpientes en el paraíso, Un barco cargado de arroz, Nido vacío, El silencio de los claustros, Nadie quiere saber, Crímenes que no olvidaré, Mi querido asesino en serie eta Sin muertos. Italian Grinzane Cavour eta Suitzan Raymond Chandler sari ospetsuak jaso ditu. 

Giménezen lanak sona handia lortu zuen bere liburuei buruz telebistarako egin zen egokitzapen baten ondoren, Ana Belén eta Santiago Segura protagonista zituela. Giménez Bartletten eleberriak 10 hizkuntzatara itzuli dira, eta arrakasta handia izan dira Frantzian, Alemanian eta Italian.

Azken urteetan, Giménez Bartlettek Petra Delicadoren eleberriak beste mota bateko narratiba batekin konbinatu ditu, intimoagoa dena eta genero horretatik aldendua. Kritikarien artean, arrakasta handia eskuratu du. Izan ere, hori berrestera dator 2011n Nadal sari ospetsua lortu izana, Donde nadie te encuentre eleberriarekin, eta 2015ean, Planeta saria, Hombres desnudos lanarekin.