JAIALDIA

PAMPLONA NEGRA JAIALDIAREN X. EDIZIOA - THE DARK CITY

PAMPLONA NEGRA X. THE DARK CITY

Pamplona Negra jaialdiaren hamargarren edizio honetako egitarauaren asmoa izango da jaialdiaren hasierari omenaldia egitea eta, era berean, begirada etorkizunean iltzatzea. Oraingo honetan ez da herrialde gonbidaturik egongo, baizik eta Hiria, hizki larriarekin, izango da protagonista eta mahai-inguruen eta txostenen hari gidaria. Hiria, babesleku, espetxe eta galbiderako toki moduan; hiria, bere kalezuloekin, argiekin, mafiekin eta heroiekin.

2024ko urtarrilaren 22tik 27ra, oroipenerako tokia egongo da eta egun arrakasta handiena duten egile nazionaletako batzuei entzuteko tokia, besteak beste, Víctor del Árbol, Victoria González Torralba, César Pérez Gellida, Toni Hill eta Aurora Guerrari. Horrez gain, nazioarteko bi egile handi izango dira gure artean, Alan Parks britainiarra eta Romy Hausmann alemaniarra, Mi dulce niña Netflixeko saila inspiratu zuen eleberriaren idazlea.

Une gorenak egongo dira, adibidez, Hovik Keuchkerian aktorea Baluarten egongo dena. Aktore horrek duela gutxi Zilarrezko Maskorra jaso du Donostiako Zinemaldian, eta literaturako pertsonaia bat nola hezurmamitu kontatuko digu, bere kasuan Jon Gutiérrez poliziakidea, Juan Gómez-Juradoren eleberrien protagonista.

Krimena taula gainean atalean, arlo horretako profesionalek zuzenean azalduko digute nola antolatzen den CSI bat hasieratik, narkotrafikoaz hitz egingo dugu, nazioarteko lankidetzaz, giza salerosketaz eta adimenaren manipulazioaz. Beti bezala, zoragarria izango da. 

Eta, gainera, zinema, musika, jarduerak liburutegietan, gastronomia, literatura- eta kriminologia-lantegiak, topaketak Hizkuntza Eskolan, aurkezpenak La Antigua Farmacia jatetxe tabernan, eta hamargarren urteurrena oparo ospatzeko, Writers Band baten kontzertua eta jai handi bat Zentralen.

KRIMENA TAULA GAINEAN

Alicia Giménez Bartlett Baluarten izango da urtarrilaren 27an, larunbata, bere azken eleberria aurkezteko, La mujer fugitiva, Petra Delicado inspektorea protagonista duen sagaren hamahirugarren emanaldia. Giménezekin, pertsonaiaren bilakaeraz hitz egingo dugu –Ana Belének hezurmamitu zuen telebistarako–, bere sortze-prozesuaz, inspirazioaz eta motibazioaz, egungo literaturaz eta, batez ere, gutxi bezala karismatikoa den pertsonaia batek inguruan duen unibertsoaz. Izan ere, pertsonaia hori desberdina da beste edozeinetatik, eta hamar herrialdetako baino gehiagotako irakurleak bereganatu ditu. 

Alicia Giménez Bartlett izen handiko idazlea da, izenburu handien egilea polizia-eleberriaren barnean eta bai beste genero batzuetan ere, bereziki, narratiban, idazleen maisua eta jarraitzaile-multzoa duena Espainian, Italian eta Frantzian.

Babesleak

Sustatzailea:

Antolatzaileak:

Laguntzaileak:

Scroll to Top