Zuzendaria: Frank Capra

Gidoia: Julius J. Epstein eta Philip G. Epstein

Argazkiak: Sol Polito (zuri-beltzean)

Musika: Max Steiner

Antzezleak: Cary Grant, Priscilla Lane, Peter Lorre, Raymond Massey, Josephine Hull, Jean Adair, John Alexander, Jack Carson, Edward Everett Horton

Gutxi gorabeherako iraupena: 118 minutu.

Jatorrizko bertsioa ingelesez, gaztelaniazko azpitituluekin.

Ezkondu berri den antzerki-kritikari batek izeba zaharrei bisita egitea erabaki du, eztei-bidaian joan aurretik. Bisita horretan, ordea, ikusiko du amona zahar atsegin horiek karitatea praktikatzeko oso modu berezia dutela.

Joseph Kesserlingen eleberritik abiatuta, Julius eta Philip Epstein anaiek (Casablanca filmeko gidoiaren egileak) gidoi bikaina eraiki zuten, ia irtenbiderik gabeko gertakarien kiribil batean pilatzen doazen egoeren mekanismo perfektu bat bezala. Komediak ezin hobeto funtzionatzen du, zinismo-kontakizun batean (ezkontzari uko egiten dion antzerki-kritikaria baina ezkondu berri dena), sotoan sekretu izugarria ezkutatzen duten edadeko emakume maitagarriak, bere ankerkeria erakusteko ustekabean agertzen den protagonistaren anaia, nahiz eta… Protagonisten benetako izaera ezagutzeko komedia beltz perfektua, zeinak beharbada ez diren izango diruditenak. Cary Grantek aitortu zuen gehien gozatu zuen filma izan zela.

*Jatorrizko bertsio azpidatzia*

Zuzendaria: Alfred Hitchcock

Gidoia: Maxwell Anderson, Angus MacPhail

Argazkiak: Robert Burks (zuri-beltzean)

Musika: Bernard Herrmann

Antzezleak: Henry Fonda, Vera Miles, Anthony Quale, Harold J. Stone, Nehemiah Persoff, Tuesday Weld

Gutxi gorabeherako iraupena: 105 minutu.

Jatorrizko bertsioa ingelesez, gaztelaniazko azpitituluekin.

Manny jazz-musikaria da, lasai bizi dena New Yorken, Rose emaztearekin eta bi seme-alaba txikiekin. Aseguru-etxe batean, langileetako batek pentsatu du Manny dela bi egun lehenago bertan lapurretan ibili den pertsona eta salatu egin du polizian. Orduan, amesgaizto larria hasiko da beretzat: atxilotu egingo dute eta auzoan gertatutako lapurreta batzuez salatuko dute. Ikaragarriena da lekuko eta froga kalifrafiko guztiek bere erruduntasuna sendotzen dutela.

1953an gertatu zen benetako istorio bat lantzen du filmak, The True Story of Christopher Emmanuel Balestrero (Christopher Emmanuel Balestreroren benetako istorioa) liburuan oinarrituta dago, Maxwell Andersonek idatzia, eta bai Life aldizkarian Herbert Breanek kaleratutako A Case of Identity artikuluan ere.

Luzaroan erabili zuen Hitchcockek film honen ideia buruan, haren gai gogokoenetako bati heltzen baitzion: errudun faltsua (edo ez…).

*Jatorrizko bertsio azpidatzia

Zuzendaria: Bryan Singer

Gidoia: Christopher McQuarrie

Argazkiak: Newton Thomas Sigel (koloretan)

Musika: John Ottman

Antzezleak: Chazz Palminteri, Kevin Spacey, Gabriel Byrne, Benicio del Toro, Stephen Baldwin, Pete Postlethwaite, Kevin Pollak

Gutxi gorabeherako iraupena: 105 minutu.

Jatorrizko bertsioa ingelesez, gaztelaniazko azpitituluekin.

 

Dave Kujan (Chazz Palminteri), Ameriketako Estatu Batuetako aduanetako zerbitzuko agente berezi bat, Los Ángelesko San Pedro portuan itsasontzi batek izandako sutearen arrazoiak ikertzen ari da. Suteak 27 hildako eragin ditu, nahiz eta badirudien denak erail egin dituztela.  Kujanen informazio-iturri bakarra Roger Kint da (Kevin Spacey), sutetik bizirik atera den iruzurgile elbarri bat. Polizia-etxean, Kintek kontatuko du dena sei aste lehenago hasi zela, New Yorken, bost gaizkile, bost “ohiko susmagarri”, atxilotu zituztenean arma-kamioi baten lapurretarekin lotutako taldeko identifikazio-saio baterako…

Film hau mugarria izan zen 1990eko hamarkadako zineman: bere bilbe korapilatsuak, pertsonaia kaleidoskopikoek eta zuzendariaren balentriak ikus-entzulea harrapatzen duen trama bat eratzen dute. Irtenbide harrigarria duen buru-hausgarria etengabe eta modu etsian berreraikitzen saiatuko da ikus-entzulea. Gidoi konplexu honek Oscar saria jaso zuen, eta Kevin Spacey aparta batek aitortza jaso zuen lehiaketa ugaritan, Oscar sarietan barne.

*Jatorrizko bertsio azpidatzia